Tuesday 9 July 2024

இனிய பிறந்தநாள் வாழ்த்துக்கள் Sadaiyandi puregold sms

மாற்று சமூகத்தில் இப்படி ஒருத்தர் இருந்தால் கோபுரத்தில் தூக்கி வைத்து கொண்டாடியிருப்பார்கள் பசும்பொன் முத்துராமலிங்கத் தேவர் திருமகனாரின் திருத்தொண்டர், எத்தனையோ கோடீஸ்வர தேவரின தலைவர்கள் இருக்கிறார்கள் நினைத்தால் ஒரு சேனல் உருவாக்கி இருக்கலாம் தலைவர்கள் எல்லாம் பணத்தால் மட்டுமே உயர்ந்தவர்கள் குணத்தால் அல்ல , ஆனால் பேரன்பு கொண்ட மச்சான் திரு Sadaiyandi Puregold Sms சடையாண்டி அவர்கள் எப்போதும் உள்ளத்தால் உயர்ந்தவர் தனது பணிகளை விட்டுவிட்டு எந்த ஊர்களானலும் சரி எந்த தலைவர்கள் ஆனாலும் சரி தேவர் என்ற ஒரு சக்திக்காக தேவர் மீடியா என வலைதள தொலைக்காட்சியை உருவாக்கி கிராமம் வாரியாக லட்சோப லட்சம் மக்களுக்கு கொண்டு சேர்த்திருக்கிறார்,சமூகத்திற்கும்,தேவர் மீடியாவுக்கும் துளியளவும் உதவி செய்யாதவர்கள் கூட ஒரு பதிவு மீடியாவில் சசிகலாவுக்கு ஆதரவாக,டிடிவிக்கு ஆதரவாக,ஓபிஎஸ் சுக்கு ஆதராவாக வந்துவிட்டால் போதும் புரட்சி போராளி ஆகி விமர்சிக்க ஆரம்பித்துவிடுவார்கள், தேவர் மீடியாவை பார்த்து ஆரம்பித்த மாற்று சமூகத்தினர் அவர்களுக்கு பிடித்த பெயர்களில் மீடியா ஆரம்பித்து அதிக சப்ஸ்கிரைபர்களை உருவாக்கி அவர்கள் சமூகத்தினரிடம் வசூல் வேட்டையில் இறங்கி செழிப்புடன் மீடியா நடத்துகிறார்கள், ஆனால் எவ்வித எதிர்பார்ப்புமின்றி வெளிநாடுகளில்,வெளி மாநிலங்களில் வசிக்கும் தேவர் திருமகனாரின் தொண்டர்களுக்காக பசும்பொன்னிலும்,கோரிப்பாளையத்திலும்,ஒவ்வொரு சமூக நிகழ்வுகளையும் நேரலையில் கொண்டு சேர்த்திருக்கிறார், கீழத்தூவல் காவல்துறையினரால் துன்புறுத்தி படுகொலை செய்யப்பட்ட கல்லூரி மாணவர் மணிகண்டன் மரண சம்பவத்தை கடைசி வரை பதிவு செய்து ஊடகங்கள்,பல சமூக தலைவர்களின் கவனத்தை ஈர்த்தவர் எப்போதும் சாந்தமாகவே இவரை பார்த்த நான் மக்கள் கூட்டம் முன் ஆக்ரோஷத்துடன் அதிகாரிகளிடம் சண்டையிட்டதை பார்த்து வியந்தேன், இராமநாதபுரம் சேதுநாட்டு மன்னர் குமரன் சேதுபதி அவர்களின் தீவிர விசுவாசி,மன்னர் காலமான பின் முடிசூட்டிய இளைய மன்னர் திரு நாகேந்திர சேதுபதி அவர்களை மக்களின் முன் பிரகாசிக்க செய்தவர், நேதாஜி,முத்துராமலிங்கத்தேவர்,மூக்கையாதேவர்,சசிவர்ண தேவர்,பெருமாள் தேவர்,குருசாமி பிள்ளை,சோலை குடும்பர்,மொக்கையன் அருந்ததியர் ,ஆண்டித்தேவர் கட்டிக்காத்த அகில இந்திய பார்வர்ட் பிளாக் இயக்கத்தை காக்க ஸ்ரீவை சுரேஷ் தேவர் அவர்களின் தலைமையேற்று பணியாற்றும் தேச பக்தர்,முக்குலத்தோர் எழுச்சி கழகம் பொதுச்செயலாளர் அண்ணன் விஆர்கே.கவிக்குமார் அவர்களின் அன்பிற்கு கட்டுபட்டவர் ,இப்பேற்பட்டவர் நமது சமூகத்தின் பொக்கிஷம் ,இனி வரும் காலங்களில் தேவர் மீடியா நல்ல முறையில் பிரம்மாண்டமாக வளரவும்,மகிழ்வோடு பல்லாண்டு காலம் நலமுடன் வாழ தேவர் திருமகனாரை வேண்டிக்கொண்டு இனிய பிறந்தநாள் நல் வாழ்த்துக்களை தெரிவித்துக்கொள்கிறேன்..❤ இரா.பசும்பொன் ராஜா, மாவட்ட இளைஞரணி செயலாளர், முக்குலத்தோர் எழுச்சி கழகம் மதுரை மாநகர் .

Sunday 7 July 2024

உடலுக்கு மரியாதை இல்லை உயிருக்கு தான் மரியாதை - தேவர்

"உடலைவிட்டு உயிர் நீங்குவது அத்தனையும் மரணமல்ல. அறியாத பேராசையின் பெயரால், பணிப்புற்று கிடந்த, இழிந்து சாகிற சாவெல்லாம் சாவாகும். ஒருவர் மிகப்பெரிய அளவுடைய சரீரம் பெற்றவராயிருக்கலாம், ஏராளமான கோடிக்கணக்கான ஆபரணத்தை அவர் அணிந்திருக்கலாம், அவ்வளவு இருந்த போதிலும், அவர் உயிர் போய்விட்டது என்றால் அது பிரேதம். அதை ஒருவரும் வைத்திருக்க அனுமதிக்க மாட்டார்கள். அதை எங்காவது கொண்டுபோய் அழித்தாக வேண்டும். அதே நேரத்தில் அங்கெமெல்லாம் குஷ்ட நோயால், அழுகு நோயால் சிரமப்பட்டு, புழுக்கள் ஏறுகின்ற விதத்தில்கூட ஒரு சரீரம் இருக்கலாம். தன்னுடைய தாயும் மனைவியும் கூடத் தொடுவதற்குக் கூசலாம். அப்படிப்பட்ட சரீரத்தில் உயிர் இருக்குமானால், அடுத்தவன் திண்ணையிலாவது இருப்பதற்கு இடம் கொடுப்பான். அப்படியானால் இந்த உடலுக்கு மரியாதையில்லை. இவ்வுடலின் மேல் உள்ள ஆடை, ஆபரணங்களுக்கு மரியாதையில்லை. கண்ணுக்குத் தெரியாத அளவிற்கு இந்த உடலைத் தாங்கி நிற்கிற, உள்ளிருக்கிற அணுவிலும், அணுவாக இருக்கின்ற உயிரைப் பொறுத்துதான் இப்பெரிய உடலுக்கு மரியாதை. - பசும்பொன் தேவர். 1959 அக்டோபர் 10ம் தேதியில் பொள்ளாச்சி ஸ்ரீகுடலுருவி மாரியம்மன் கோவில் 12வது நவராத்திரி ஆண்டு விழாவில் சக்தியின் சக்தி என்ற தலைப்பில் பசும்பொன் தேவர் ஆற்றிய சொற்பொழிவிலிருந்து. (Sadaiyandi puregold sms)

Saturday 6 July 2024

தியாகி இராமுத்தேவர் வரலாறு

#மறக்க_முடியுமா? நேதாஜியின் ஒற்றர் படை வீரர் வரலாறு வீர வணக்கம் செலுத்துவோம் நினைவு தினத்தில். குறைந்தபட்சம் அவர் வரலாறு தெரிந்து கொள்வோம். இராமுத்தேவர் வரலாற்று பாடல் லிங்க் https://youtu.be/NptSpI_i_M4 #இராமுதேவர்_வரலாறு இராமு தேவர் என்பவர் நேதாஜி பிரித்தானிய அரசை எதிர்க்க உருவாக்கிய இந்திய தேசிய இராணுவம் என்ற படைப்பிரிவின் ஒற்றர். பள்ளிப் பருவம்
இவர் இராமநாதபுரம் மாவட்டம் தும்படைக்கா கோட்டையில் இராமலிங்க தேவர் என்பவருக்கு பிறந்தார்.தனது ஏழாம் வயதில் தந்தை மலேசியாவில் உள்ள பினாங்கிற்கு வேலைக்கு சென்றதால் இவரும் அவரோடு இருக்க நேர்ந்தது. அங்கு ஆரம்ப கல்வியை முடித்து, தொடக்க கல்வியான கேம்பிரிட்ஜ் வரை படித்தார். நேதாஜி பிரச்சாரம் இவரது பதினேழாம் வயதின் போது நேதாஜி பிரித்தானிய அரசை எதிர்க்க உருவாக்கிய இந்திய தேசிய இராணுவம் என்ற படைப்பிரிவிற்கு இளைஞர்களை இராணுவ பயிற்சி பெறுமாறு பிரச்சாரம் செய்து வந்தார். அப்பகுதிகளில் மலாக்கா பிராந்தா, பினாங்கு பகுதிகளும் அடங்கும். அந்த பிரச்சாரத்தை கேட்ட இராமு தேவர் தனது பதினேழாம் வயதில் இந்திய தேசிய இராணுவத்தில் சேர்ந்தார். ஒற்றர் படை பயிற்சி இந்திய தேசிய இராணுவத்தில் சேர்ந்தவர்களில் மிகவும் இளையவர் இவர் என்பதால் இவருக்கு ஒற்றர் படையில் இடம் கிடைத்தது. இந்திய தேசிய இராணுவத்தின் ஒற்றர் படையின் பயிற்சி பள்ளியான சுவராசு பள்ளியில் பயிற்சி எடுத்தார். ஒற்றர் படை இரகசியம் வெளியாதல் முதலில் பிரித்தானிய அரசுக்கு நேதாஜி ஒற்றர் படை வைத்திருந்தது அவ்வளவு உறுதியாக தெரியாமல் இருந்தது. 1944ல் சுவராசு தவிர்த்து மற்றொரு இந்திய தேசிய இராணுவ ஒற்றர் படையை சேர்ந்த 12 பேர் குசராத் மாநிலத்திற்கு நீர் மூழ்கி கப்பலில் வந்த போது பிரித்தானிய இந்திய அரசாங்கத்தில் பிடிபட்டனர். இதனால் நேதாஜி படையின் ஒற்றர்களின் இரகசியம் வெளியானது. இதனால் கிழக்குக் கடற்கரை இந்தியா முழுதும் பிரித்தானிய ஒற்றர்களின் மறைமுக கண்கானிப்பு அதிகமாகியது. இராமு தேவர் பிடிபடுதல் இதே நேரத்தில் இராமு தேவருடன் ஒற்றர் படையைச் சேர்ந்த குமரன் நாயர் மற்றும் சேது மாதவன் மூவரும் பர்மா வழியாக இந்தியாவிற்கு வர முயன்றனர். பர்மா எல்லையின் சிட்டகாங் அருகே இவர்களைப் பிரித்தானிய இந்திய இராணுவம் சுற்றி வளைத்தது. இவர்கள் மூவரும் தப்பிச் செல்ல முயன்ற போது குமரனுக்குக் காலில் குண்டடி பட்டதால் அவரை மற்ற இருவரும் காப்பாற்ற முயன்ற போது மூவருமே பிடிபட்டனர். சிறையில் சித்தரவதை மூவருமே வங்கச் சிறையில் அடைபட்டனர். அங்கு நடந்த சித்ரவதைக் கொடுமையால் சேது மாதவன் வங்கச் சிறையிலேயே தற்கொலை செய்து கொண்டார். அதனால் இராமுவையும் குமரனையும் அலிப்பூர் சிறைக்கு மாற்றினர். வழக்கு விசாரணை இருவரின் வழக்கும் அலிப்பூர் சிறைச்சாலையிலேயே நீதிபதி கிருசுனா இராவ் தலைமையில் நடந்தது. பிரித்தானிய அரசு சார்பாக எத்திராசு என்ற வழக்குரைஞரும், இராமு மற்றும் குமரனுக்காக கசுதூரி என்ற வழக்குரைஞரும் வாதாடினர். முடிவில் இருவருக்கும் தூக்கு தண்டனை வழங்க பிரித்தானிய அரசு உத்தரவிட்டது. இருந்தாலும் இராமுவிற்கு 18 வயதுக்குள் இருப்பதால் கருணையோடு இவ்வழக்கை அணுக வேண்டும் என்று நீதிபதி உத்தரவிட்டார். சென்னையில் இராமு தேவர் அவரின் வழக்கை கருணையின் அடிப்படையில் சென்னை உயர்நீதி மன்றத்தில் மேல் முறையீடு செய்தனர். இருந்தாலும் இருவருக்கும் தூக்கு தண்டனை விதிப்பு உறுதிப்படுத்தப்பட்டது 17வயதான ராமு சுட்டுக்கொல்லப்பட்டார். இருவரின் சடலங்களும் சென்னை ஓட்டேரி மைதானத்தில் புதைக்கப்பட்டது. இராமுவின் தாய் 1948 வரை தன் மகன் இறந்ததை இராமு தேவரின் தாய் அறியாமலேயே இருந்தார். சுதந்திரம் அடைந்த பிறகே இந்த செய்தியை தாய் அறிந்தார். அதனால் மனநிலை பாதிக்கப்பட்ட அவரின் தாய் 1984ஆம் ஆண்டு மனநிலை பாதிக்கப்பட்ட நிலையிலேயே உயிர் துறந்தார். குமரன் நாயர் தெரு குமரன் நாயரின் வீர மரணத்திற்கு மரியாதை செலுத்திய கேரள அரசாங்கம் அவர் வளர்ந்த தெருவிற்கு அவரின் பெயரையே சூட்டி வீர வணக்கம் செய்துள்ளது. ஆனால் தமிழக அரசுக்கு ராமுத்தேவர் என்பவரையே தெரியாது. தேச பற்று இல்லாதவர்களே தற்போதைய அரசியல் தலைவர்களாக இருப்பதே இத்தகைய இழிநிலைக்கு காரணம்.
ஜூலை 7. வீர வணக்கம் செலுத்துவோம் நினைவு தினத்தில்...